MBADUM KABAGYAN
Kabagyan ora bakal kalong manawa didum
malah sansaya tambah
Tambah wong kang ngrasakake kabagyan iku
Nanging menawa kepingin dipek dhewe
Kabagyan ora bakal ana paedahe
Malah rugi ,marga amung sethithik kang
ngrasakake
Nanging akeh-akehe manungsa meri marang
kabagyaning liyan
Murka marang kabagyaning dhewe
Pingine wong liya ora oleh seneng
Kepara seneng ndeleng wong susah
Kamangka donga murih
kabagyaning liyan diamini malaikat
malaikat nyuwun marang
Gusti murih kabagyan kita
Ayo padha mbadum kabagyan
Ayo padha nglipur kang susah
GELA SYUKUR
Umpama aburku
ora kedhuwuren,
Mbokmenawa
tibaku ora kelaran.
Mbokmenawa
tibaku ora kelaran ,
Umpama kang
nibakake dudu kang ngaburake.
Nanging ….
Aku tetep matur
nuwun
Umpama aku ora
ditibakake
Mbokmenawa aku
wis kendhang katut angin.
RASA IKU
Pagawean kang
paling abot
Nglawan hawa
nafsu
nafsu kang wujud
rasa
Rasa iku
pepaesing donya
pepaes nanging
geneya ora bisa gawe endah
sabab mapane ora
pener , ora bener
tundone
bubrah
Out Of Topic Show Konversi KodeHide Konversi Kode Show EmoticonHide Emoticon